Ábyrgðin er okkar

Enn berast fréttir af stórtækum innflutningi á örvandi vímuefnum. Það virðist koma öllum á óvart. Þetta á auðvitað bara eftir að aukast þegar fram líða stundir. Neyslan helst í hendur við aukna áfengisneyslu og hægt er að rökstyðja það að með auknu og frjálsara aðgengi að áfengi muni neysla á örvandi efnum (amfetamín, kókaín, rítalín, e-pillur og fleira) aukast. Það er alveg ótrúlegt að þingmenn skuli ekki leita til fagmanna til að fræðast um áhrif og afleiðingar aukinnar áfengisneyslu, þá í samhengi við aukið aðgengi og lægra verð.

Lögðu hald á fíkniefnasendingu

Athugasemdir

[Geiri (IP-tala skráð) 28.12.2007 kl. 20:46]

Og hver er töfralausnin?

Staðreynd: Ef aðgengi að áfengi er minna og það er dýrara þá stækkar það landabransann.

[Sigurður R. Guðmundsson, 28.12.2007 kl. 20:51]

Það er auðvitað engin töfralausn til. Hins vegar eru það svona aðdróttanir og ágiskanir sem ráða því hvaða ákvarðanir þingmenn taka í þessu máli. Réttast væri auðvitað að styðjast við vísindalegar rannsóknir og álit fagmanna en ekki ágiskanir og rökstuðning sem byrjar á " ég held" eða " mér finnst"

[Andri (IP-tala skráð) 28.12.2007 kl. 21:02]

þeir sem hafa eitthvað á milli eyrnanna vita að lögleiðing er eina lausnin.

Vandamálið er hjá yfirvöldum.

Þetta er einföld staðreynd sem verður að horfast í augu við. 

[stebbi (IP-tala skráð) 28.12.2007 kl. 21:16]

Og eru þingmenn að segja eða meina eitthvað annað en "Ég held að það hafi góðar afleiðingar að berjast með valdi gegn fíkniefnavandanum" ?

Ekki mikið um rök, staðreindir eða niðurstöður úr vísindalegum rannsóknum þar á ferð, allavegana hafa þær alveg farið framhjá mér.