Frumkvöðlar í íslenskri tónlist

Skömm að segja frá því en ég gleymdi tónleikunum. Sennilega of upptekinn af sjálfum mér og vinnunni. Ég var búinn að plana að skella mér og bjóða mömmu með. Fórum á sinfóníuna í janúar og því hefði þetta verið tilvalið....

 

Fyrirgefiði þursar... ég læt mig ekki vanta næst 

Þursarnir hafa engu gleymt

Athugasemdir

[JOZ (IP-tala skráð) 24.2.2008 kl. 01:01]

Þú misstir af miklu. Allir í stuði. Ragnheiður Gröndal var FRÁBÆR!! og Tommi góður í lokin með Jón sjóara.

[Sigurður R. Guðmundsson, 24.2.2008 kl. 01:05]

Jón var kræfur karl og hraustur.... algjör snilld :D

[Kría (IP-tala skráð) 24.2.2008 kl. 01:20]

Ég er forfallinn Þursaaðdáandi og ég var svo lánsöm að komast á tónleikana. Ég ólst upp við Þursana, Spilverkið og Stuðmenn; mitt tónlistarlega uppeldi fékk ég frá þeim; Agli, Kalla og kó, auk þess sem heimanmundurinn var yfirfullur af klassík, dixielandi og slatta af jazzi. Tónleikarnir í kvöld voru töfrum líkastir. Ég sat bergnumin, með hausinn fullan af minningum, fólki og tilfinningum. Eldgömlum tilfinningum, þar á meðal - gaman að horfast í augu við þær. En í kvöld fékk ég loksins að endurnýja kynnin og ég bauð manninum mínum með sem þekkir ekkert til Þursanna - hann er ekki einu sinni íslenskur! En hann sá hvað ég var spennt yfir tónleikunum og það var nóg fyrir hann til að gleðjast með mér og fara með. Mér leið pínulítið eins og ég væri að taka hann með í allt of lókal partý en ég sá í kvöld að Þursarnir eru ekki bara rammíslenskir; þeir spila líka tónlist á heimsvísu. Maðurinn minn er bandarískur en hann kveikti á hverju einasta lagi - allt frá Æra Tobba í þennan 49 ára sem er enn (eftir öll þessi ár) að leita að einhverjum sem væri mögulega til í að elska hann. Ég sit hérna heima, uppnumin og hamingjusöm, það voru ekki bara gömlu minningarnar sem ég komst í tæri við í kvöld, Þursarnir eru enn lifandi og skapandi og ég fann langa leið út í sal hvað þeir nutu sín. Laugardalshöll ómaði af samkennd í kvöld og þakklæti. Á meðan ég skrifa þessar línur er maðurinn minn að skæpa til tvíburabróður síns í LA og útlista nýjustu uppáhaldshljómsveitina sína: Þursaflokkinn. - Eftir tala um Þursaflokkinn munu þeir líklega (árlega) skrifa niður hvern þeir vilja að vinni Óskarinn aðfaranótt mánudags. Sigurður, fyrirgefðu að ég ráðist svona inn á bloggið þitt, ég bara varð að tjá mig um Þursaflokkinn; sem eru bráðum miðaldra og aldrei betri!

Bestu kveðjur,

Kría.

[nafnlaus (IP-tala skráð) 25.2.2008 kl. 12:30]

mömmustrákur haha