Ranghugmyndir margra...

Til hamingju skipverjar á Árna F. Hvað svo sem bankamálum, spákaupmennsku og þessháttar bréfaviðskiptum líður þá eru þetta alltaf öruggar tekjur, þ.e.a.s. hráefni úr sjó. Engin hætta á því að verð falli eða hreyfist í líkingu við verðbréfavísitölur. Nú segi ég bara áfram Ísland og höldum áfram að tryggja hráútflutningsafurðir okkar eða unnar vörur. Hvort sem þær eru ál, fiskur eða önnur framleiðsluvara. Og í öllum bænum.... Lærið af Evrópuþjóðum og reynið að spara Íslendingar!!

Loðna finnst við Hjörleifshöfða

Sovét? Hvað?

Veit ekki hvernig stendur á því að einn maður getur tekið sér svona mikil völd. Er þetta vottur um lélega stjórnarskrá eða kannski bara enga? Vonandi eiga þeir engin vopn að ráði þarna niðurfrá. Ekkert voðalega séður hann þarna... hvað hann nú heitir... faðir allra túrkmena eins og hann kallar sig. Ég er ekkert mjög spenntur að eyða mínum peningum eða sumarfríi í landinu.  Samt er ég mikill ævintýramaður og þykist kjarkaður að auki :D

Örlagaríkur kakkalakki

Frumkvöðlar í íslenskri tónlist

Skömm að segja frá því en ég gleymdi tónleikunum. Sennilega of upptekinn af sjálfum mér og vinnunni. Ég var búinn að plana að skella mér og bjóða mömmu með. Fórum á sinfóníuna í janúar og því hefði þetta verið tilvalið....

 

Fyrirgefiði þursar... ég læt mig ekki vanta næst 

Þursarnir hafa engu gleymt

Uuuuu... hversvegna ekki ??

Hversvegna ekki rokk í anda Ham? Ég verð að segja það að eina lagið sem ég get hlustað á og sagt að ég fíli, er lagið með Dr. Spock. Frumlegur texti, búningar, sviðsframkoma(t.d. fjarstýrði hanskinn) og bara allt of kraftmikið til að lenda ekki í fyrsta sæti...... Rokkið deyr aldregi, þeim sem um góðan getur (var þetta ekki einhvern veginn svona?)

Eurobandið fer til Serbíu

Látum fagfólk um mannfólkið

Hvernig stendur á því að leikmönnum eða áhugafólki er treyst fyrir umönnun og meðferð barna eða sjúklinga án mikils eftirlits? Við erum að sjá það aftur og aftur að þetta gengur ekki.

Félag áfengis- og vímuefnaráðgjafa er með ráðstefnu í Skógum undir Eyjafjöllum 11. - 13. apríl n.k. þar sem farið verður yfir fagleg mál sem tengjast umönnun og þar með verður farið ítarlega í gegnum siðareglur félagsins. Siðareglur eru einmitt einn af þáttunum sem greina fagfólk frá leikmönnum. Kíkið á síðu félagsins far.is og skoðið.

Draga má lærdóm af Breiðavík

Ráðstefna FÁR

Núna styttist í árlega ráðstefnu FÁR (félag áfengis- og vímuefnaráðgjafa) en hún verður haldin eins og undanfarin ár í Skógum undir eyjafjöllum. Ráðstefnan verður helgina 11.-13. apríl og verður vegleg eins og alltaf. Áfengisráðgjafinn verður í sviðsljósinu þessa ráðstefnu og verður aðaláherslan á hans þátt í meðferðinni. Þó verður auðvitað eitthvað um önnur erindi og þátttaka annarra fagmanna er orðin ófrávíkjanegur hluti af ráðstefnunni.

Ég vil nota þetta tækifæri til að hvetja alla áhugamenn og fagmenn um að kynna sér þetta á vef FÁR www.far.is og endilega hafa samband ef þið hafið áhuga

kveðja Sigurður R. Guðmundsson 

Jafnrétti?

Hver eru eiginlega viðhorfin til þessara hluta þegar málið snýst um unga drengi sem eru bersýnilega að selja sig...dýrt? Mér verður alltaf hugsað til viðhorfa um svona hluti og til dæmis móðurréttarins gagnvart forræði yfir börnum. Ég sé það ekki verða á jafnréttisgrundvelli á næstunni. Á meðan móðurrétturinn er sterkari en föðurrétturinn er ekki jafnrétti.

Ekki það að ég sé að setja þetta að jöfnu. Mér finnst bara jafnrétti snúast mjög oft um rétt kvenna ekki karla. 

Ríkar konur - sætir strákar

Erum við að breytast í aumingja?

Alveg er það með ólíkindum hvað fólk er hrætt við rok og rigningu. Ég keyrði frá vesturlandi í gær á litlum fólksbíl, fór fyrir Hafnarfjall í 29m/s þar sem hviður voru upp á 39m/s og keyrði auðvitað bara varlega. Var svo í bænum í talsverðan tíma og keyrði svo í Reykjanesbæ þegar 29m/s voru á Reykjanesbrautinni og vindhviður sömuleiðis upp á 39m/s samkvæmt vegagerdin.is

Auðvitað þurfti ég að keyra hægar en vanalega. Keyrði kannski hægast á 40-50 en ég komst þetta og fannst ekkert stórkostlegt afrek. Hef nokkrum sinnum áður verið í sömu sporum og þetta var hvorki verra né betra.

Svo ræddi ég þetta við vin minn þar sem við stoppuðum á kaffihúsi í Kringlunni milli erinda hjá mér. Við vorum sammála um að fólk væri full paranojað og gerði of mikið úr því þegar það væri rok og rigning.  Hins vegar er auðvitað ekkert vit í því að vera á ferðinni í frosti og blindbyl. Þá erum við bara að tala um allt annað.

Hann sagði mér að mamma sín hefði hringt í hann og beðið hann um að vera ekki á ferðinni út af veðrinu. Hann, eðlilega, langaði aftur á móti að hitta kærustuna sína og ákvað því að fara þótt það rigndi og blési duglega. Svo spurði hann mömmu sína hvort hún héldi að hann myndi hreinlega bara fjúka eitthvað við það að fara út. Hvort bíllinn myndi bara fjúka þegar hann væri sestur upp í hann.

Við vorum sammála um það að ef svo væri þá væri auðvitað ekki þverfótað fyrir fljúgandi fólki og bílum. Hins vegar þegar ég les fréttirnar þá hef ég aldrei lesið það að einhver hafi hreinlega tekist á loft í roki og rigningu. Hef reyndar séð einu sinni í fréttum mynd af bíl sem valt á hliðina í roki. Þannig að líkurnar á því að minn gerir það hljóta að vera í samræmi við það. Vinur minn svaraði líka mömmu sinni því að það væri algjört logn inn í bílnum og því væri þetta auðvitað bara spurning um það að ef hann fyki ekki á leiðinni út í bíl þá myndi þetta sleppa. Þar sem fólk var ekki á flugi þvers og kruss í gær þá fannst honum hann vera tiltölulega öruggur.

Ég meina... það er ekki eins og fréttirnar séu uppfullar af fréttum eins og "Þrjátíu manns eru týnd síðan í gær eftir að fólk fauk út á sjó og upp á þök"  

Flutningi úr flugvélum lokið

Alltaf tilbúnir að þiggja en ekkert að gefa

Alveg er það með ólíkindum hvað Nató-þjóðirnar geta verið óheiðarlegar þegar kemur að því að standa við það sem þær skrifuðu undir. Einhverntímann las ég það að hluti af loforðum þess að vera í Nató væri að ef það væri ráðist á eitt ríki þá myndu hin ríkin líta á það sem stríðsyfirlýsingu við allar þjóðirnar.

Þetta virðist þó ekki eiga við um árás á Bandaríkin. Það er eins og þjóðirnar séu haldnar þeim ranghugmyndum að þetta gilti bara um þá en ekki aðra. Við Íslendingar erum gott dæmi um það. Ekkert tilbúin að leggja af mörkum við innrásina í Afganistan en viljum svo fá 100% vernd sjálf.

Það sem má heldur ekki gleymast er að það skiptir ekki máli hvað okkur finnst um þetta. Samningar eru samningar og því eigum við að standa við þá ef við viljum ekki lenda í sama. Stríð eru þar að auki ekki eitthvað sem tekur 3 vikur eða 3 mánuði. Það er eins og fólk haldi að innrás í ríki taki bara 1 dag eða 1 viku.

Hitt er svo allt annað mál hvort við viljum vera í Nato. Það er ekki það sem ég vil ræða að sinni :D 

Bandaríkin gera kröfur til Þjóðverja

Kominn tími til að röfla aðeins

Ég á ekki til orð yfir hverskonar fréttir eru vinsælastar. Ég er alltaf að sjá aftur og aftur svona fréttir á forsíðunni sem langflestir lesa. Hvað er eiginlega málið?? Er þetta virkilega það sem fólki finnst merkilegast í fréttunum í dag? Það hlýtur eiginlega að vera... fréttin er oftast lesin. Það er kannski ekkert skrýtið... eru ekki allir búnir að fá sig fullsadda af neikvæðum fréttum?

Ég var annars að spá mest í því í dag af hverju fólki finnst ókurteisi að leysa vind. Hvaðan kemur það viðhorf eiginlega? Allir gera þetta og þetta er eins eðlilegur hlutur og að kasta af sér vatni eða öðru. Væri ekki nær að hneykslast á fólki sem hóstar og hnerrar? Það er smithætta og hávaði sem viðrekstur skapar ekki.

Þegar ég les svo þetta blogg yfir þá spyr ég sjálfan mig hvort ég ætti kannski ekki að sleppa því að röfla um forvitni fólks þegar kemur að frægu fólki og reyna að hugsa um eitthvað annað en búkhljóð :D

Beyoncé á Hótel Keflavík í nótt